Dagana 18-23 júní s.l. voru Kristín - Bjarni - Guðlaug - Anna Leif - Þórey og Bjarnveig með opna vinnustofu í fjárhúsum og hlöðu að Leirá í Leirársveit.  Þessir dagar enduðu svo á sýningu í hlöðunnu á Jónsmessunni.

Málverkið sem ég vann í hlöðunni er 200x1000 að stærð, olía á striga og nefni ég það HIMINN OG HAF.

Himinn og haf.  200x1000, olía á striga.

Ég hef opnað sýningu í tengibyggingu við safnaðarheimili Háteigskirkju.  Undirrót allra verkanna er lífskraftur, umbrot og sköpun jarðar.  Verkin eru öll unnin í olíu / akríl á striga undanfarin 6 ár.
Sýningin er opin alla virka daga kl. 9-17 og stendur yfir til 9. júlí n.k.

Frá sýningunni í Háteigskirkju.


Madonna, 190x150

Grasrótin kallar og gerðum við í Grasrótatríóinu prufu og gerðum liti með því að blanda jurtasafa með olíu og eggjahvítum (eggtempera) og skráðum vísindalega.  Grasatríóið skipa: Kristín, Guðlaug og Hrönn. 

Guðlaug og Hrönn pressa safa úr elftingu

Afurðirnar skráðar á vísindalegan hátt.


Skráningarstjóri við litagerð úr jurtum